Ամերիկացի միլիարդատեր, Microsoft ընկերության նախկին ղեկավար Բիլ Գեյթսը 2000 թվականից սկսած ամենախոշոր նվիրատվությունն է կատարել, հայտնում է «Բլումբերգ» գործակալությունը՝ վկայակոչելով արժեթղթերի դաշնային հանձնաժողովի տվյալները:
Նվիրատվության չափը կազմել է 4,6 մլրդ դոլար:
Այն կատարվել է դեռեւս հունիսի 6-ին: Չի հաղորդվում, թե ով է ստացել այսպիսի շռայլ նվերը:
Գործակալության տեղեկություններով՝ միլիարդատերը հիմնական նվիրատվությունները կատարում է բարեգործական հիմնադրամին, որը ստեղծել է կնոջ՝ Մելինդայի հետ:
Գեյթս ամուսինները 1994 թվականից սկսած ընդհանուր առմամբ մոտ 35 մլրդ դոլար են նվիրաբերել: