Ոստիկանությունը կալանավորել է աֆրոամերիկուհուն, որը Հյուսիսային Կարոլինա նահանգի Դարեմ քաղաքում բողոքի ակցիայի ժամանակ օգնել է շրջել Կենֆեդերացիայի զորքերի հուշարձանը, հայտնում է ABC-ն:
Նշվում է, որ իրավապահ մարմինները կալանավորել են 22-ամյա Տակիյու Թոմփսոնին: Ոստիկանությունից հայտարարել են, որ նա աստիճանով բարձրացել է հուշարձանի վրա եւ վրան պարան կապել: Դրանից հետո զինվորի բրոնզե քանդակը պատվանդանից գցել են:
CNN-ը հայտնում է, որ Թոմփսոնին մեղադրում են նաեւ անկարգության կոչերի համար:
Դարեմի շերիֆ Մայք Էնդրյուսը հայտարարել է, որ ոստիկանությունը կորոնի ակցիայի մյուս մասնակիցներին եւս:
Ավելի վաղ հաղորդվել էր, որ Դարեմում բողոքի ակցիայի մասնակիցները շրջել են Կոնֆեդերացիայի զորքերի հուշարձանը: ԱՄՆ-ում Քաղաքացիական պատերազմի տարիների զինվորի հուշարձանը, որը տեղադրվել է 1924 թվականին, գտնվում է տեղի քաղաքապետարանի շենքի դիմաց: Դրա վրա գրված է «Ամերիկայի կոնֆեդերատիվ նահանգներ»:
