Սիրիայում բնակվող հայերի ընտանիքը պատմել է, թե ինչպես էին ապրում Ռաքքա քաղաքում՝ ԻՊ-ի գերիշխանության ներքո։
«Իսլամական պետությունը» նրանցից հարկ է գանձել՝ Jezyah՝ պաշտպանված լինելու եւ պատժից խուսափելու համար, հաղորդում է EBL News-ը։
«ԻՊ-ի գերիշխանության ներքո գտնվելով՝ պետք է համապատասխան հագնվել եւ պատշաճ վարքագիծ դրսեւորել։ Եթե չես կատարում հրամանը, ապա կպատժվես քո արարքի համապատասխան»,-ասացին հայերը։
Մի քանի ամիս անց ընտանիքը նույնիսկ հաց ու ջուր չի ունեցել, էլեկտաէներգիան եւս մշտապես անջատում էին։ «Մենք հաց, ջուր կամ էլեկտրականություն չունեինք։ Ամենուր հրթիռներ էին, բոլոր պատուհաններն ու դուռը կոտրված էին։ Մենք թեյ, նախաճաշ կամ ճաշ չունեինք, մենք թաքնվում էին նկուղում»,-հիշեցին նրանք։
Ի վերջո, ընտանիքին հաջողվել է փախչել ԻՊ-ից ազատագրված տարածք։ Այժմ նրանք նոր կյանք են սկսել փոքրիկ գյուղում՝ քաղաքի մերձակայքում։
