ԱՄՆ Բոստոն քաղաքում (Մասաչուսեթսի նահանգ) բողոքի ակցիա է ընթանում, որի մասնակիցների թիվը աճում է եւ հասնում հազարների:
Ակցիաներից մեկն անցկացվում է քաղաքի կենտրոնում՝ խոսքի ազատության պաշտպանության պահանջով: Ակցիայի կազմակերպիչները պնդում են, որ բոլոր ամերիկացիները իրենց մտքերն անխոչընդոտ արտահայտելու իրավունք ունեն, այդ թվում՝ նաեւ սպիտակամորթների առավելության կողմնակիցները: Միեւնույն ժամանակ, նրանք պնդում են, որ կապ չունեն անցած շաբաթ Շարլոթսվիլում (Վիջինիայի նահանգ) ցույցի կազմակերպիչների հետ: