Սաուդյան Արաբիայի Saudi Airways ավիաընկերությունը դեռեւս չի ստացել Կատարի իշխանությունների թույլտվությունը Դոհայում վայրէջք կատարելու համար, որպեսզի տեղափոխի սաուդյան թագավորի կողմից հաջ կատարելու հրավիրված կատարցի ուխտավորներին, SPA գործակալությանը հայտնել է ավիաընկերության գլխավոր տնօրեն Սալեհ ալ Ջարեսը:
Սաուդյան Արաբիայի թագավոր Սալման բեն Աբդել Ազիզ Ալ Սաուդը այս շաբաթ որպես բարի կամքի դրսեւորում թույլ էր տվել ցամաքային սահմանը բացել կատարցի ուխտավորների հաջ կատարելու նպատակով, նաեւ կարգադրել է նրանց տեղափոխելու համար Դոհա ուղարկել սաուդյան ավիաընկերության օդանավ, որպեսզի ուխտավորներին իր հաշվին ընդունի:
«Saudi Airways-ը դեռեւս չի կարողացել չվերթ կատարել Դոհայի Համադա օդանավակայան՝ ուխտավորներին տեղափոխելու համար, քանի որ Կատարի իշխանությունների կողմից վայրէջք կատարելու թույլտվություն չի ստացել, չնայած այս մասին խնդրանքն ուղարկվել է մի քանի օր առաջ»,- ասել է ալ Ջարեսը: