Խաղադրույք կատարելու միջոցով ապօրինի շահույթ ստանալու` «Ուլիս-Երեւան» ֆուտբոլային ակումբի գլխավոր մարզչի օգնական Ռուբեն Առուշանյանն ուղարկվեց հարկադիր բուժման:
Երեւանի Կենտրոն եւ Նորք Մարաշ վարչական շրջանների ընդհանուր իրավասության դատարանը Առուշանյանին անմեղսունակ է ճանաչել եւ վճռել նրան ազատել Քրեական օրենսգրքի 38-201-րդ հոդվածի 3-րդ մասով նախատեսված քրեական պատասխանատվությունից և պատժից։ Առուշանյանի նկատմամբ նշանակվել է բժշկական բնույթի հարկադրական միջոց՝ հարկադիր բուժում ընդհանուր հսկողության հոգեբուժական բաժանմունքի պայմաններում:
Ավելի վաղ Ազգային անվտանգության ծառայությունը հաղորդել էր, որ 2015թ. նոյեմբերին ֆուտբոլային «Ուլիս Երեւան» ակումբի գլխավոր մարզիչ Գագիկ Սիմոնյանը, ֆուտբոլիստ (պաշտպան) Հայկ Հունանյանը, «Ուլիս 2» ակումբի ադմինիստրատոր Արա Ազարյանը եւ մարզչի օգնական Ռուբեն Առուշանյանը հանցավոր համաձայնությամբ, «Տոտո» բուքմեյքերական գրասենյակի աշխատակցի միջոցով կատարել են 1000-3000 ԱՄՆ դոլար խաղադրույքներ եւ ապահովելով խաղերի կանխատեսելի արդյունքները, ստացել են ապօրինի շահույթ, որը համապատասխան մասնաբաժիններով բաշխվել է վերը նշված անձանց եւ առանձին ֆուտբոլիստների միջեւ:
Ռուբեն Առուշանյանի մասն առանձին էր քննվում, իսկ մյուսների մասով դատաքննությունը դեռ շարունակվում է: