ԱՄՆ ՌԾՈւ-ի խաղաղօվկիանոսյան հրամանատարության ղեկավար Սքոթ Սվիֆթը հայտարարել է, թե ենթադրվում է, որ հայտնաբերել են տասնյակ նավաստիներից ոմանց մասունքները, որոնք կորել էին Մալակկայի նեղուցում «Ջոն Մակկեյն» ականկրի եւ առեւտրական նավի բախումից հետո:
«Այսօր որոնողական գործողության ընթացքում ջրասուզակները հայտնաբերել են նավի մեկուսամասերում արգելափակված որոշ մասունքներ: Մալայզիայի ՌԾՈւ-ից նաեւ հայտնել են, որ հնարավոր մասունքներ են հայտնաբերել: Նրանք աշխատում են այս մասունքների հաստատման եւ նույնականացման վրա»,- մամուլի ասուլիսի ժամանակ հայտարարել է Սվիֆթը, որը հեռարձակվել է հրամանատարության Facebook-ի էջում: Այս մասին հայտնում է «ՌԻԱ Նովոստի»-ն:
Սվիֆթի խոսքով՝ որոնողափրկարարական գործողությունները կշարունակվեն մինչեւ հաստատվի, որ հայտնաբերվել են հենց նավաստիների մարմինները:
