Ուժգին թայֆունը հարվածել է Չինաստանի հարավային Գուանդուն նահանգին եւ Հոնկոնգին։ Տարերքի հետեւանքով չեղարկվել են չվերթները, փակվել են դպրոցներն ու պետական հաստատությունները, հաղորդում է South China Morning Post-ը։

Հոնկոնգի օդերեւութաբանական ծառայությունը բարձրագույն՝ 10-րդ մակարդակի զգուշացում է հայտարարել՝ կապված տարերային աղետի հետ։ Նշվում է, որ թայֆունի պատճառով ջրամբարներում տեղ-տեղ ջրի մակարդակը կարող է բարձրանալ մինչեւ 5 մետր։ Թայֆունի էպիկենտրոնում քամու առավելագույն արագությունը 155 կմ/ժ է։

Հոնկոնգում ուժգին քամու հետեւանքով ծառեր են տապալվել, քաղաքի փողոցները մասնակիորեն ողողվել են ջրով։ Շատ հանրային հաստատություններ, ընկերություններ փակվել են, շուրջ 400 չվերթ է չեղարկվել։ Խաթարվել է նաեւ Մակաոյի եւ մոտակա կղզիների հետ հաղորդակցությունը։