News
Լրահոս
News
Հինգշաբթի
Մարտ 28
Տեսնել լրահոսը

Եվրասիական տնտեսական միության (ԵՏՄ) անդամ երկրները պետք է Չինաստանի հետ պայմանավորվեն թվային տնտեսության չափանիշները համատեղելու շուրջ։ Աստանայում, «Եվրասիական ֆորում»-ում իր ելույթի ժամանակ նման տեսակետ է հայտնել Եվրասիական տնտեսական հանձնաժողովի (ԵՏՀ) նախագահ Տիգրան Սարգսյանը, փոխանցում է «ՏԱՍՍ»-ը։

«Այսօր արդեն ակնհայտ է, որ Չինաստանի հետ մենք պետք է խոսենք թվային համատեղելիության մասին, քանի որ ապրանքների, ծառայությունների եւ կապիտալի տարանցումը իրականացվում է թվային հարթակների հիման վրա»,-ասել է Սարգսյանը։

Նրա խոսքով՝ Չինաստանը Եվրամիության հետ արդեն բանակցություններ է սկսել թվային ստանդարտները համատեղելու շուրջ։ «Եթե նրանք չպայմանավորվեն, «Մետաքսի ճանապարհ» նախագծի իրականացման ճանապարհին դա մեծ խոչընդոտ կլինի։ Նույնն է նաեւ մեզ համար՝ եթե մենք Չինաստանի հետ չպայմանավորվենք թվային տնտեսության ստանդարտների շուրջ, ապա դա շատ լուրջ խոչընդոտ կինի օրակարգի իրականացման հարցում, ներառյալ՝ առեւտրա-տնտեսական հարաբերությունների խորացումը»,-կարծում է ԵՏՀ-ի նախագահը։

Սարգսյանը նշել է, որ ԵվրԱզԵՍ-ի երկրները պետք է համակարգեն տնտեսության մեջ իրենց թվային օրակարգերը։ «Հարց է ծագում՝ եթե յուրաքանչյուր երկիր իրականացնի իր թվային օրակարգը, արդյոք դա ապագայում խոչընդոտների առաջացման չի՞ հանգեցնի։ Դա նշանակում է, որ նախապես պետք է պայմանավորվենք, թե ինչպե՞ս պետք է համաձայնեցնենք մեր թվային օրակարգերը, ինչպիսի՞ ստանդարտներ կիրառենք։ Պետք է նկատի ունենալ նաեւ թվային օրակարգերի՝ փոխադարձ համատեղելիություն ապահովելու հարցը»,-ընդգծել է նա։

Նրա կարծիքով՝ եթե ԵՏՄ երկրներն այդ հարցը չհամակարգեն, ապա ընդհանուր շուկաների ձեւավորման պարագայում նոր խոչընդոտներ կառաջանան, եւ նման պայմաններում բիզնեսի համար դժվար կլինի աշխատել։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ռուսաստանի Պետդուման ԵԱՏՄ-ից ապրանքների առցանց վաճառքի համար ԱԱՀ վճարման մասին օրենք է ընդունել 
Դաշնային օրենքի նախագծի ընդունումը կբարելավի ԱԱՀ-ի վարչարարության համակարգը, կվերացնի անհավասարությունը ռուս և օտարերկրյա հարկատուների ԱԱՀ հարկման հարցում...
Կառավարությունը հավանություն տվեց ԵԱՏՄ-ի եւ երրորդ կողմերի մաքսային տարանցման միասնական համակարգի մասին համաձայնագրին
Համաձայնագրի նախագիծը սահմանում է Միության և երրորդ կողմի (երրորդ կողմերի) միասնական մաքսային տարանցման համակարգի գործունեության հիմնական...
ԵԱՏՄ-ում կփոխվեն անասնաբուժական դեղերի շրջանառության կանոնները
ԵԱՏՄ կփոխվի կանոններն անասնաբուժական դեղերի շրջանառության հարցում...
ԵԱՏՄ գազի ընդհանուր շուկայի ձեւավորման մասով երկրների միջեւ կան մի շարք հարցեր. փոխնախարար
ԵԱՏՄ անդամ երկրների միջեւ կան մի շարք հարցեր...
ՌԴ-ից մեծ կախվածություն ունենք՝ ԵԱՏՄ-ն լքելը ռիսկային է. Ֆինանսների նախարար
«Ամեն դեպքում կախվածությունը մեկ կետից, որն էլ լինի այդ կետը, պետք է դիվերսիֆիկացնել»․․․
Պեսկովը հայտնել է, որ Հայաստանը շահում է ԵԱՏՄ-ին անդամակցությունից
Դա մասամբ տեղի է ունենում մեր երկրի հետ շատ սերտ փոխշահավետ համագործակցության եւ ԵԱՏՄ-ին Հայաստանի անդամակցության պատճառով, դա միանշանակ է...
Ամենաշատ