Գյուղնախարարությունը ներկայացրել է այն բանկերի եւ բանկային կազմակերպությունների ցանկը, որոնք համաձայնել են մասնակցել «Գյուղատնտեսական հումքի մթերումների նպատակով ագրովերամշակման ոլորտին տրամադրվող վարկերի տոկոսադրույքների մասնակի սուբսիդավորման» ծրագրին:
Գյուղնախարարության տարածած հաղորդագրության մեջ ասվում է.
«Օգոստոսի 30-ի դրությամբ «Գյուղատնտեսական հումքի մթերումների նպատակով ագրովերամշակման ոլորտին տրամադրվող վարկերի տոկոսադրույքների մասնակի սուբսիդավորման» ծրագրին մասնակցելու համաձայնություն են տվել հետեւյալ բանկերը եւ վարկային կազմակերպությունները՝
«ԱԿԲԱ-կրեդիտ ագրիկոլ բանկ» ՓԲԸ,
«Ամերիաբանկ» ՓԲԸ,
«Արարատբանկ» ԲԲԸ,
«Արդշինբանկ» ՓԲԸ,
«Արմսվիսբանկ» ՓԲԸ,
«Ինեկոբանկ» ՓԲԸ,
«Կոնվերս բանկ» ՓԲԸ,
«Հայբիզնեսբանկ» ՓԲԸ,
«Հայէկոնոմբանկ» ԲԲԸ,
«Պրոմեթեյ բանկ» ՓԲԸ,
«ՓՄՁ ներդրումներ» ՈՒՎԿ ՓԲԸ,
«Քարդ ԱգրոԿրեդիտ» ՈՒՎԿ ՓԲԸ:
Ծրագրից օգտվելու նպատակով պտուղ-բանջարեղեն եւ խաղող վերամշակող ընկերությունները կարող են համագործակցել նշված բանկերի ու վարկային կազմակերպությունների հետ եւ մինչեւ 2017թվականի հոկտեմբերի 1-ը գյուղացիական տնտեսությունների հետ կնքել համապատասխան պայմանագրեր` ըստ բերքի գնման պայմանագրի օրինակելի ձեւի:
Հիշեցնենք, որ ծրագրի շրջանակներում տարեկան առավելագույնը մինչեւ 12 տոկոս անվանական տոկոսադրույքով տրամադրվող նպատակային վարկերի մինչեւ 9 տոկոսային կետին համարժեք մասը (գումարը) սուբսիդավորվելու է, ինչի արդյունքում վարկառուի կողմից վճարվող վարկի տարեկան տոկոսադրույքը կազմելու է 3 տոկոս: Յուրաքանչյուր ընկերությանը տրամադրվող վարկի առավելագույն գումարը կկազմի 150.0 մլն դրամ: