Պետք չէ մտահոգվել, որ Վրաստանում տեղի ունեցած ՆԱՏՕ-ի զորավարժություններին չմասնակցելով, Հայաստանը նրա հետ փչացրեց հարաբերությունները։ Այս մասին սեպտեմբերի 8-ին՝ լրագրողների հետ հանդիպման ժամանակ, ասաց ՀՀ ԳԱԱ Արեւելագիտության ինստիտուտի տնօրեն, պատմական գիտությունների դոկտոր Ռուբեն Սաֆրաստյանը։

Նրա խոսքով՝ անհանգստությունն ավելի լայն ենթատեքստ է ներառում՝ Թուրքա-Վրաստան-Ադրբեջան աշխարհաքաղաքական առանցքի ձեւավորումը։ Այդ գործընթացը մեծ թափ ստացավ 2008-ին՝ մինչեւ պատերազմը եւ կրկին արագացավ 2012-ին։ Այդ ենթատեքստում հայ դիվանագիտությանն այլեւս ոչինչ մի մնում անելու, քան Հայաստան-Իրան-Ռուսաստան առանցքը դրան հակադրելը։

«Նման բաժանարար գծերը կարող են լուծել Հարավային Կովկասի երեք երկրների խնդիրները, սակայն խանգարում են դրա ընդհանուր ապագային։ Իսկ դրա ապագան այն է, որ նրա երեք երկրները միասին լուծեն տնտեսական զարգացման հարցերը։ Առանձին-առանձին մեր երկրների նման հնարավորությունը շատ ավելի փոքր է»,-հավելեց Սաֆրաստյանը։