Տվյալ փուլում Եվրասիական տնտեսական միությունից դուրս գալը Հայաստանի համար նպատակահարմար չէ։ Այս մասին սեպտեմբերի 12-ին՝ Ազգային ժողովում ԵՏՄ-ից Հայաստանի դուրս գալու մասին խոսելիս, հայտարարեց «Ծառուկյան» դաշինքի պատգամավոր Վարդան Բոստանջյանը։

«Մեր հաջողությունների ու անհաջողությունների պատճառը պետք չէ ԵՏՄ անդամակցության մեջ փնտրել։ ԵՏՄ-ն 180 միլիոնանոց շուկա է, որտեղ կարող են իրացվել ցածր արտադրողական մշակույթի առկայության պարագայում ստեղծված ապրանքներ, որոնք Եվրոպան ընդհանրապես իր շուկա չի թողնի։ ԵՏՄ երկրներում բնակվում են մարդիկ, որոնք եկամուտներ են ստանում եւ տրանսֆերտների տեսքով Հայաստան ուղարկում։ Այժմ որոշ մարդիկ առաջարկում են այդ ճյուղը կտրել։ Բայց մենք չպե՞տք է մտածենք այնտեղ բնակվող հայերի մասին»,-ասած Բոստանջյանը։