ԵՄ երկրները 2016-ին ընդունել են ավելի քան 720 հազար փախստականի: Այդ մասին հայտնել է Եվրահանձնաժողովի նախագահ Ժան Կլոդ Յունկերը, հաղորդում է «ՌԻԱ նովոստին»:
Ստրասբուրգում Եվրախորհրդարանի լիագումար նիստի ժամանակ հանդես գալով ծրագրային ելույթով՝ նա նշել է. «Միայն անցյալ տարի մեր անդամ երկրները ապաստան են տրամադրել ավելի քան 720 հազար փախստականների»: Եվրոպան Երկրորդ համաշխարհային պատերազմից հետո լրջագույն միգրացիոն ճգնաժամի մեջ է, որը առաջին հերթին պայմանավորված է Աֆրիկայի եւ Մերձավոր Արեւելքի երկրներում մի շարք զինված հակամարտությունների եւ սուր տնտեսական խնդիրներով: