Հայաստանում բանկերը վարկերի վրա մեծ գումարներ են աշխատում, սակայն անհամաչափ փոքր հարկեր են մուծում։ Այս մասին սեպտեմբերի 13-ին՝ ԱԺ–ում «Հիփոթեքային վարկավորման մասին» օրինագծի քննարկման ժամանակ, ասաց «Ծառուկյան» դաշինքի պատգամավոր Միքայել Մելքումյանը։
Նրա խոսքով՝ նոր վարկառուների գրավելու համար բանկերը չպետք է խորշեն 1-1.5 տոկոս եկամուտներից։ Բայց որոշ բանկերի մոտ մարժան հասնում է 6-7 տոկոսի, իսկ երբեմն էլ՝ 10։ «Ընդ որում, անցյալ տարի բանկերը միայն 34 մլրդ դրամ հարկ են վճարել, որոնցից 45-50 տոկոսը վճարել են 2 բանկ»,– նշեց Մելքումյանը։