Նեւադայում՝ Նելլիսի ավիաբազայում, հրաժարվել են մեկնաբանել ենթադրաբար խորհրդային արտադրության օդանավի կործանման դեպքը, հայտնում է «ՌԻԱ Նովոստի»–ն։
«Սեպտեմբերի 5-ին տեղի ունեցած միջադեպի բոլոր մանրամասները գաղտնի են»,– ասել է ավիաբազայի մամուլի ծառայության ներկայացուցիչը՝ պատասխանելով լրագրողների հարցին եւ հավելելով, որ միջադեպի մասին հանրությանը տեղեկություն չի տրամադրվելու։
Նշենք, որ միջադեպը տեղի էր ունեցել Լաս Վեգասից ոչ հեռու գտնվող Նելլիսի ավիաբազայից 160 կմ հյուսիս–արեւմուտք։ Այդ ուղղությամբ է տեղակայված նաեւ 51-րդ գոտի անունով հայտնի Էդվարդս ավիաբազայի ստորաբաժանումը։ Ավելի վաղ հայտնի էր դարձել, որ միջադեպի հետեւանքով զոհվել է փոխգնդապետ Էրիկ Շուլցը։
