Վրաստանի նախկին նախագահ եւ Օդեսայի նախկին նահանգապետ Միխայիլ Սաակաշվիլին մտադիր է սեպտեմբերի 19-ին հանրահավաք կազմակերպել Կիեւում Գերագույն ռադայի շենքի մոտ, հայտնում է «Ստրանա.ua»-ն՝ վկայակոչելով քաղաքական գործչի շրջապատում աղբյուրն:
Հանրահավաքը պետք է սկսվի առավոտյան ժամը 10-ին, որի ընթացքում առաջ կքաշվի Սաակաշվիլիին պատգամավորների առջեւ ելույթ ունենալու իրավունք տրամադրելու պահանջը: «Հետագա ընթացքը կախված է իրավիճակի զարգացումից: Վճռական ենք տրամադրված»,- պարբերականին ասել է աղբյուրը: