Երեւանու ավագանու «Երկիր ծիրանի» խմբակցության անդամներ Մնացական Պարակշիեւը եւ Հայկ Պետրոսյանն հոկտեմբերից ավագանու նիստերին կներկայանան որպես ավագանու անկախ անդամներ: «Երկիր Ծիրանին» ներկայացնում են Զարուհի Փոստանջյանը, Մարինա Խաչատրյանը եւ Սոնա Աղեկյանը:
Խմբակցությունը լքած անդամները NEWS.am-ի հետ զրույցում չեն բացառել համագործակցությունը նաեւ ՀՀԿ խմբակցության հետ:
«Մենք ինչպես դրանից առաջ էինք ասել, անկախ կուսակցության պատկանելությունից, եթե որոշ հարցերի շուրջ գտնում ենք, որ ընդհանուր եզրեր կան, ոչ մի կուսակցության եւ ոչ մի անձանց հետ խնդիր չենք տեսնում համագործակցության համար»,-ասացին նրանք:
Հարցին՝ ինչպիսի՞ն է լինելու այսուհետ իրենց դիրքորոշումը՝ հաշվի առնելով, որ նախորդ նիստին ընդհանրապես չէին մասնակցում ակտիվ քննարկմանը, Մնացական Պարակշիեւն արձագանքեց. «Աշխատանքը դեռ առջեւում է, էժանագին շոուներին մասնակցելը մերը չէ: Եթե ես համարում եմ՝ դա լավ է, դա ճիշտ է, կխոսեմ, ուղղակի քաղաքական PR-ի համար չեմ կարող հայտարարել՝ դա լավ է, կամ վատ»:
