«Հայ կանանց ճակատ» շարժումը Ազատության հրապարակից բողոքի ակցիան տեղափոխել է Կարեն Դեմիրճյանի անվան մարզահամերգային համալիր, որտեղ ընթանում է Հայաստան-Սփյուռք համաժողովը։
Նրանք Ժիրայր Սեֆիլյանի, Գեւորգ Սաֆարյանի եւ անազատության մեջ գտնվող այլ հասարակական գործիչների լուսանկարկներով եւ «քաղբանտարկյալներ» գրությամբ պաստառներով այս պահին բողոքի ակցիա են անում համալիրի մոտ։ Այս մասին հայտնում է NEWS.am-ի թղթակիցը։
Ճակատի ներկայացուցիչ Սյուզան Սիմոնյանը բարձրաձայնել է անազատության մեջ գտնվող Կարո Եղնուկյանի կնոջն ու երեխաներին Հանրապետության հրապարակից բերման ենթարկելու մասին։ Սյուզան Սիմոնյանը հայտարարել է, որ նրանց իշխանությունը հալածում է։