Հյուսիսային Կորեայի շուրջ իրավիճակը պետք է կարգավորվի բացառապես խաղաղ ճանապարհով, եւ ԵՄ-ում երբեք չեն խոսում երկրների կործանման մասին: Այս մասին հայտարարել է ԵՄ դիվանագիտության ղեկավար Ֆեդերիկա Մոգերինին, փոխանցում է «ՌԻԱ Նովոստի»-ն:
Մոգերինին նշել է, որ Հյուսիսային Կորեայի միջուկային ծրագրի խնդիրը պետք է կարգավորվի բացառապես խաղաղ ճանապարհով: «Դա պետք է կարգավորվի խաղաղ, խաղաղ ճանապարհով, քանի որ մենք երբեք չենք խոսում երկրների կործանման մասին»,- ասել է նա:
ԱՄՆ նախագահ Դոնալդ Թրամփը ՄԱԿ-ի ամիբիոնից ելույթ ունենալիս հայտարարել էր, որ ԱՄՆ-ն այլ ելք չունի, քան Հյուսիսային Կորեայի ոչնչացումը, եթե այն սպառնա Միացյալ Նահանգներին: