Անհայտ հաքերները կոտրել են ԱՄՆ Արժեթղթերի եւ բորսաների հանձնաժողովի տվյալների բազան, որտեղ պահվում են հազարավոր մասնավոր ընկերությունների եւ ֆինանսական կազմակերպությունների մասին տեղեկություններ եւ փաստաթղթեր: Սա կարող է հանգեցնել կողմնակի անձանց հասանելիության «լայն հանրության համար չնախատեսված տեղեկություններին», փոխանցում է ՏԱՍՍ-ը:
«Մեր շուկայում գործողությունների համար կիբերանվտանգությունը ծայրահեղ մեծ նշանակություն ունի, ռիսկերը զգալի են եւ շատ դեպքերում պարբերաբար առաջանում են»,- այս կապակցությամբ շեշտել է հանձնաժողովի նախագահ Ջեյ Քլեյթոնը:
Հանձնաժողովը հիշատակել է, որ 2016 թվականին EDGAR-ի գրանցման եւ փաստաթղթերի պահման համակարգ ներթափանցելու միջադեպ է տեղի ունեցել: 2017 թվականի օգոստոսին հայտնի է դարձել, որ այս միջադեպը ոմն մեկին թույլ է տվել ապօրինի հարստանալ սակարկությունների ժամանակ: Հաքերների հայտնաբերած խոցելի տեղը, որը հետագայում վերացվել է, EDGAR-ի թեստային բաղկացուցիչի ծրագրային ապահովումն էր:
Կատարված հետաքննության արդյունքներով՝ կիբերանվտանգության բաժնի ավագ օղակի մակարդակում աշխատանքային խումբ ստեղծելու որոշում է ընդունվել, որին լիազորվել է հանձնաժողովի կառուցվածքում զբաղվել «տեղեկությունների փոխանակման համակարգմամբ, ռիսկերի մոնիթորինգով եւ արձագանքմամբ»:
