Եվրոպական հանձնաժողովը չի մեկնաբանում չորեքշաբթի Իսպանիայի քաղաքացիական գվարդիայի կողմից Կատալոնիայի վարչական հաստատություններում կատարված խուզարկություններն ու կալանավորումները։
«Մենք հարգում ենք սահմանադրական կարգը եւ յուրաքանչյուր անդամ պետության (Եվրամիության) իրավական նորմերը», - ասել է Եվրամիության գործադիր կոլեգիայի պաշտոնական ներկայացուցիչ Մարգարիտիս Սքինասը՝ պատասխանելով լրագրողների հարցերին, հաղորդում է «Ռիա Նովոստին»:
Չորեքշաբթի Կատալոնիայում 12 մարդ էր ձերբակալվել, որոնց թվում էր Գեներալիտետի նախագահ Խոսեպ Մարիա Խովեն։ Խուզարկություններ էին կատարվել Գեներալիտետի եւ կառավարական այլ հաստատություններում։
