Երեւանի Մալաթիա-Սեբաստիա համայնքում այսօր՝ սեպտեմբերի 21-ին, ավտոբուսի վթարի հետեւանքով հիվանդանոց տեղափոխված քաղաքացիների կյանքին վտանգ չի սպառնում: Այս մասին NEWS.am-ը տեղեկացել է «Աստղիկ » բժշկական կենտրոնից: Հիվանդանոց տեղափոխված տասը քաղաքացուց յոթը առաջին բուժօգնություն ստանալուց հետո դուրս են գրվել: Նրանց թվում մի երեխա է եղել: Հիվանդանոցում մնացած տուժողներից մեկի ոտքն է կոտրվել, մյուսի թոքը վնասվել, երրորդին՝ հետազոտում են:
Ավելի վաղ գրել էինք, որ այսօր՝ սեպտեմբերի 21-ին, ավտովթար է տեղի ունեցել Երեւանում: Ժամը 17:30-ի սահմաններում Մալաթիա-Սեբաստիա վարչական շրջանում՝ Շերամի փողոցում, թիվ 35 երթուղին սպասարկող Higer մակնիշի 4461 Տ համարանիշի ավտոմեքենայի վարորդը դուրս է եկել ճանապարհի երթեւեկելի գոտուց եւ բախվել բետոնե պատին: Վթարի հետեւանքով տասը քաղաքացի մարմնական վնասվածքներով տեղափոխվել էր հիվանդանոցներ: