Պատժամիջոցների մասին նոր հրամանագրի համաձայն՝ այն բանկերը, որոնք գործարքներ են իրականացնում Հյուսիսային Կորեայի հետ, չեն կարողանա աշխատել ԱՄՆ-ի հետ։ Այս մասին հայտնել է ԱՄՆ Ֆիննախի ղեկավար Սթիվեն Մնուչինը, փոխանցում է Reuters-ը։
«Ոչ մի բանկ որեւէ երկրում չպետք է օգտագործվի Կիմ Չեն Ընի կործանարար վարքագծին աջակցելու համար»,- ասել է նախարարը լրագրողներին։
«Օտարերկրյա ֆինանսական կառույցները կտեղեկացվեն այն մասին, որ ապագայում նրանք կարող կարող են գործեր վարել ԱՄՆ-ի , կամ Հյուսիսային Կորեայի հետ, բայց ոչ երկուսի հետ միաժամանակ»։