Ադրբեջանական լրատվամիջոցներում սեքսուալ հեղափոխություն են հռչակել:
Սրա առիթը օրիգինալ պրինտով վերնաշապիկն է, որը նկատել են Բաքվի ավտոբուսի ուղեւորներից մեկի հագին:
«Մեր ներկայացրած լուսանկարը համացանցում աշխույժ բանավեճեր է առաջացրել, որը կատարվել է Բաքվի ավտոբուսներից մեկում: Կարծում եմ՝ ավելորդ է պարզաբանել, որ օգտատերերի հետաքրքրությունն է հարուցել երիտասարդի վերնաշապիկի նկարազարդումը: Նրանց, ովքեր վատ տեսողություն ունեն, կարող ենք հուշել, որ դրանք դիրքեր են Կամասուտրայից: Չգիտենք ինչ ուղերձով է առաջնորդվել այս վերնաշապիկը հագած երիտասարդը, սակայն նա կարողացել է հետաքրքրություն առաջացնել: Ով գիտե, գուցե նա գործել է՝ ելնելով ազնիվ, լուսավորչական գաղափարներից: Չնայած գուցե եւ սեքսուալ հեղափոխության կո՞չ է անում: Ինքներդ դատեք…»,- նշել է vesti.az-ը:
