Լոս Անջելեսի Քալիֆորնիայի համալսարանի գիտնականները, որոնք ավելի քան 40 տարի ուսումնասիրել են աստվածաշնչյան տրակտատները, ապացուցել են, որ քրիստոնյաները Լյուցիֆերի հարցում մոլորության մեջ էին: Պարզվել է, որ նա ամենեւին էլ դեւ, սատանա եւ չարի մարմնացում չէ, փոխանցում է Oane-ը:
Պրոֆեսոր Հենրի Անսհար Քելլին պնդում է, որ Աստվածաշնչում գործնականում տեղեկություններ չկան սատանային վերագրվող արարքների մասին: Իրականում դեւը նման չէ Դարթ Վեյդերի կինոհերոսին եւ ավելի շուտ դատախազի է հիշեցնում, որը փորձում է բացահայտել անբարեխիղճ արարքները:
Գիտնականն ապացուցել է, որ Լյուցիֆերի կերպարը խեղաթյուրվել է 3-րդ դարի փիլիսոփա Օրիգեն Ալեքսանդրիացու կողմից: Հին Կտակարանն ուսումնասիրելով՝ հետազոտողը սատանայի կամ դեւի մասին հիշատակում չի գտել, իսկ Լյուցիֆերը հիշատակվում է որպես բռնակալ տիրակալ, որն իշխում էր Բաբելոնյան թագավորության վրա:
Քելլիի տեսությունը գիտական շրջանակներում աշխույժ վեճեր է հրահրել, ուստի հետազոտությունը, հավանաբար, կշարունակվի:
