Լոռու մարզի Սարչապետ համայնքում բռնկված հրդեհի մարման աշխատանքները շարունակվել են ողջ գիշեր: NEWS.am-ի թղթակիցը հաղորդում է, որ երեկ՝ սեպտեմբերի 25-ին, ժամը 17-ին, Լոռու մարզային փրկարարական վարչություն ահազանգ է ստացվել, որ Սարչապետ գյուղի գյուղապետարանի մոտակայքում այրվում է անասնագոմ: Դեպքի վայր է մեկնել երեք մարտական հաշվարկ: Հրդեհաշիջման աշխատանքները շարունակվել են ողջ գիշեր: Հրդեհը հնարավոր է եղել մեկուսացնել միայն 23:00-ի սահմաններում: Ողջ գիշեր հրշեջները պայքարել են հրդեհի տարածման դեմ:

Նախնական տվյալներով այրվել է ավելի քան 12000 հակ պահեստավորած անասնակեր եւ անասնագոմի տանիքը (մոտ 720 քմ): Այսօր առավոտյան ժամը 08:00-ի սահմաններում հրդեհաշիջման աշխատանքներին ներգրավվել է 10 փրկարար ու 2 մարտական հաշվարկ:

Նախնական տվյալներով ամբողջությամբ այրվել է Յուրիկ Բարսեղյանին պատկանող պահեստը (մոտ 740 ք.մ), 12000 հակ անասնակեր, մոտ 15տ. կարտոֆիլ, «ՎԱԶ 2106» մակնիշի առանց համարանիշի չշահագործվող ավտոմեքենա: