Ամերիկացի հանրապետական սենատոր Ջոն Մակկեյնը երկուշաբթի CBS-ի եթերում հայտնել է, որ բժիշկներն իր համար «չափազանց բացասական կանխատեսում են կատարել» իր մոտ ավելի վաղ հայտնաբերված ուղեղի ուռուցքի զարգացման հետ կապված, փոխանցում է ՏԱՍՍ-ը:
«Ոմանք 3 տոկոս են ասում, մյուսները՝ 14 տոկոս: Դուք հասկանում եք, որ սա չափազանց բացասական կանխատեսում է»,- հիվանդությունը հաղթահարելու իր հնարավորության մասին ասել է քաղաքական գործիչը՝ հավելելով, որ բժիշկների աշխատանքից գոհ է եւ մտադիր է առաջիկայում նշել կյանքի տոնը ու շնորհակալություն հայտնել դրանում եղած ամեն լավի համար»:
Այն մասին, որ Մակկեյնի ուղեղում ուռուցք է հայտնաբերվել, հաղորդվել էր հուլիսի 19-ին: Ավելի վաղ սենատոի մոտ մի քանի անգամ մաշկի քաղցկեղ էին ախտորոշել: