ՀԱՊԿ առաջիկա զորավարժություններն ուղղված չեն երրորդ երկրների դեմ։ Այս մասին ասել է ՀԱՊԿ Միացյալ շտաբի պետ գեներալ–գնդապետ Անատոլի Սիդորովը։
Նրա խոսքով՝ հոկտեմբեր–նոյեմբերին օպերատիվ եւ մարտական նախապատրաստության համատեղ պլանի համաձայն՝ մեծ թվով համալիր միջոցառումներ են սպասվում։ Շտաբի պետն արձանագրել է, որ նախկինում զորավարժություններ արդեն անցկացվել են, եւ դրանք հաջող են եղել։ Սակայն ժամանակակից զինված հակամարտությունները պահանջում են հատուկ մոտեցում ցուցաբերել, ինչի կապակցությամբ որոշում է կայացվել 2017–ին իրականացնել մեկ ռազմաքաղաքական իրադրության համատեղ միջոցառումներ՝ այն անվանելով «Մարտական եղբայրություն 2017թ.»։
Զորավարժությունների առավել ակտիվ փուլը կսկսվի հոկտեմբերի 3-ին Հայաստանի տարածքում «Որոնում 2017» հատուկ տակտիկական վարժանքներից։ Հոկտեմբերի 7-ին կընթանա բաց փուլը, Բաղրամյան հրաձգարանում կցուցադրվեն հետախուզության ուժերի եւ միջոցների պրակտիկ գործողությունները։ Դրանց տրամաբանական շարունակությունը կլինեն «Փոխգործակցություն» զորավարժությունները, որոնք նույն կընթանան Հայաստանում հոկտեմբերի 9-13–ը։ Դրանց կմասնակցեն Հայաստանի եւ Ռուսաստանի զորքերի միացյալ խմբավորման ստորաբաժանումներն ու մասերը։
«Անխախտելի եղբայրություն» զորավարժությունները կընթանան նաեւ Ղազախստանում եւ Տաջիկստանում։
«Զորավարժությունները լիովին համապատասխանում են միջազգային նորմերին եւ ուղղված չեն երրորդ երկրների դեմ»,– ասել է Անատոլի Սիդորովը։