ՀՀ կառավարությանն առընթեր քաղաքացիական ավիացիայի գլխավոր վարչության պետ Սերգեյ Ավետիսյանն այսօր՝ սեպտեմբերի 26-ին, ընդունել է Թուրքմենստանի ավիացիայի նախարարի տեղակալ Իմամբերդիեւ Իմամբերդիի գլխավորած պատվիրակությանը:
ՔԱԳՎ-ից NEWS.am-ին հայտնում են, որ Սերգեյ Ավետիսյանը ողջունել է գործընկերներին Հայաստան այցի կապակցությամբ եւ մաղթել արդյունավետ համագործակցություն:
Իմամբերդիեւ Իմամբերդին, շնորահակալություն է հայտնել ջերմ ընդունելության եւ հանդիպման կազմակերպման համար՝ իր խոսքում նշելով՝ թեեւ Աշխաբադից Երեւան մեկնել ցանկացողների թիվը մեծ է եղել, բայց այսօրվա ոչ կանոնավոր չվերթով տեղափոխել է 164 ուղեւոր:
Հիշեցնենք, որ շուրջ մեկ ամիս առաջ, Հայաստանի Հանրապետության եւ Թուրքմենստանի նախագահների հանդիպման ժամանակ քննարկվել էր Երեւանի եւ Աշխաբադի միջեւ ուղիղ ավիաչվերթի հնարավոր մեկնարկի հարցը: Այսօրվա առաջին ոչ կանոնավոր չվերթը կայացել է բարձր մակարդակով ձեռք բերված պայմանավորվածությունների արդյունքում:
Հայ եւ թուրքմեն գործընկերները hանդիպմանն անդրադարձ են կատարել Աշխաբադից Երեւան ուղիղ չվերթների պահանջարկին եւ քննարկել կանոնավոր չվերթների իրականացման հնարավորությունը, որը կնպաստի տնտեսության եւ զբոսաշրջության զարգացմանը, ինչպես նաեւ՝ երկու երկրների քաղաքացիների միջեւ շփումների ընդլայնմանը:
Հանդիպմանը քննարկել են նաեւ Հայաստանի օդային տարածքով տարանցիկ չվերթների վերակնագման հարցը, որը կնպաստի առավել կարճ ճանապարհով թռիչքներ իրականցնելուն:
