Հայաստանի կառավարությունը պատրաստվում է Գերմանիայից ստանալ անտառային ռեսուրսների պահպանության դրամաշնորհային ծրագիր: Այս մասին սեպտեմբերի 26-ին՝ մամուլի ասուլիսի ժամանակ, հայտարարել է Հայաստանի բնապահպանության նախարար Արծվիկ Մինասյանը:
Նրա խոսքով, քանի որ աղքատությունը անտառների ամենամեծ թշնամին է, նախագծի նպատակն է անտառներին մոտ քաղաքներում եւ գյուղերում գումար վաստակելու միջոցներ ստեղծել: Ընդ որում մարդկանց կօգնեն գումար վաստակել անտառի հաշվին՝ կազմակերպված արածեցման, անտառից բերքահավաքի, ինչպես նաեւ այլ միջոցներով, օրինակ`մեղվաբուծության: