Երեւանի «Իրական դպրոց» փորձարարական ուսումնարանի աշակերտները արեւային պանելներով ավիամոդել են հավաքում: Այս մասին NEWS.am-ի հետ զրույցում ասաց դպրոցի մանկավարժ Ստեփան Թորոյանը:
Դպրոցում (ըստ կարգավիճակի՝ պրոֆտեխուսումնարան) ամենից առաջ ինքնուրույնություն են սովորեցնում: DigiTec տեխնոլոգիական ցուցահանդեսում աշակերտներին տաղավար էր տրամադրվել, որտեղ նրանք վրան ցուցադրեցին, քնապարկ եւ աթոռի մի քանի տեսակներ: Դրանց թվում կային ե՛ւ փայտե, ե՛ւ «էկոլոգիական» կանաչ փափուկ աթոռակ, որը լցված էր պլաստիկե շշերով: Ամեն ինչ պատրաստվել է սեփական ձեռքերով եւ սեփական սխալների ու փորձի վրա:
Կահույք պատրաստելիս երեխաներին օգնում են ատաղձագործները, իսկ ավիամոդելների դեպքում՝ ինժեներները եւ ծրագրավորողները: Instigate Robotics ընկերության մասնագետները նրանց օգնել են անօդաչու կվադրոկոպտեր հավաքել: Իսկ հիմա աշակերտները ցանկանում են ավիամոդել հավաքել, որի թեւերի վրա արեւային պանելներ «կնստեցնեն»:
Նյութերը նրանք հույս ունեն ստանալ տեղացի արտադրողներից: Դրանց թվում են նաեւ բազալտե մանրաթելերը, որոնք արդեն սկսել են երկրում արտադրել: Դրանից հյուսված ճոպաններով (հարվածների եւ կոռոզիայի հանդեպ կայուն են) աշակերտները վրան են հավաքել:
