Թուրքիան Եվրամիության անդամակցության կարիքը չունի: Այս մասին հայտարարել է Թուրքիայի նախագահ Ռեջեփ Թայիփ Էրդողանը, փոխանցում է «Անադոլու»-ն:
Էրդողանը վերստին ԵՄ-ին քննադատել է՝ դժգոհելով, որ որոշ եվրոպական երկրներում «ահաբեկչության հանդեպ չեզոք վերաբերմունք ունեն»: ԵՄ երկրները գլխավորում են այն երկրների ցուցակը, որոնց աջակցության հարցում Անկարան ամենից շատ է հիասթափվել: Անկարան չափազանց մտահոգված է ահաբեկչության նկատմամբ նրանց չեզոք վերաբերմունքով, որոնք Եվրամիությանը Թուրքիայի անդամակցությանը հրապարակայնորեն դեմ են հանդես գալիս»,- ասել է Էրդողանը:
Նրա խոսքով՝ «Եվրոպան մի վայրի է վարածվել, որտեղ ահաբեկիչները կարող են բացարձակապես ազատ գործել՝ առանց խոչընդոտների Թուրքիայի օրինական իշխանությունների դեմ ծրագրեր կառուցելով եւ իրականացնելով»: Նրա կարծիքով՝ Թուրքիան, մեծ հաշվով, այլեւս ԵՄ անդամակցության կարիքը չունի, մինչդեռ ԵՄ քաղաքականությունը կապված է Անկարայի հետ:
«ԵՄ նոր ծրագրերի իրականացման միակ ճանապարհն անցնում է Անկարայի լիարժեք անդամակցությամբ: Թուրքիան պատրաստ է աջակցել Բրյուսելի այս ուղղությամբ նախաձեռնություններին եւ ավանդ ունենալ Եվրոպայի ապագա զարգացման մեջ: Եթե ԵՄ-ն այլ ճանապարհով գնա՝ աղետ չէ: Թուրքիան ոչինչ չի կորցնի եւ կշարունակի առաջ ընթանալ նախանշած ուղիով»,- նշել է նա:
