Հայաստանի Պաշտպանության նախարար Վիգեն Սարգսյանը ՀՀ ՊՆ վարչական համալիրում ամփոփում է ՊՆ-ի վերջին մեկ տարվա գործունեությունը:
Նա հայտարարեց, որ այս տարին գերծանրաբեռնված էր ու գերհագեցած էր միջոցառումներով, որոնցից կարեւորագույնը «Ազգ-բանակ» խորհրդաժողով-ցուցահանդեսի անցկացումն էր:
«Զինված ուժերի առաջնային խնդիրն այս տարվա ընթացքում շարունակել է մնալ ԶՈւ մարտունակության բարձրացումը, ինչն ունի մի քանի բաղադրիչ. դրանք են սպառազինության խելամիտ ձեռքբերումներն ու մարտական ծաայության մեջ ներդնելը, կառավարման արդյունավետության հետևողական բարձրացումն ու զորքի մարտունակության հետևողական բարձրացումը»,-ասաց նախարարը:
Նշենք, որ վերջին մեկ տարում Վիգեն Սարգսյանի նախաձեռնությամբ ներկայացվել է «Ազգ-բանակ» հայեցակարգը, որի շրջանակներում մեկնարկել է «Ես եմ», «Պատիվ ունեմ» եւ «Դիտակետ» նախագծերի իրականացման գործընթացը:
