Կոսովոյում, ի տարբերություն Ղարաբաղի եւ Իրաքի Քուրդիստանի, անկախության հանրաքվե չի անցկացվել։ Այս մասին հոկտեմբերի 2-ին լրագրողներին ասել է «Ընդդեմ իրավական կամայականության» ՀԿ նախագահ Լարիսա Ալավերդյանը։
Նրա խոսքով՝ Կոսովոյի անկախության ճանաչման որոշումն ընդունվել է ոչ թե միջազգային իրավունքի տեսանկյունից, այլ քաղաքական նպատակահարմարությունից ելնելով։ «Պետք է ասեմ, որ այսօր միջազգային իրավունքն իր լավագույն ժամանակները չի ապրում»,– ասել է Ալավերդյանը։