Թուրքիան ուզում է վարկաբեկել ՀԱՊԿ–ին հայ հասարակության աչքում։ Այս մասին հոկտեմբերի 4-ին ասել է ՀՀ պաշտպանության նախկին նախարար Վաղարշակ Հարությունյանը։
Նրա խոսքով՝ Անկարան ու Բաքուն իրենց առաջ մեկ ընդհանուր նպատակ են դրել։ «Նրանք ուզում են, որ Ռուսաստանը հեռանա Հայաստանից։ Եթե Ռուսաստանը հեռանա, Թուրքիան տարածաշրջանում առաջին պետությունը կդառնա»,– պարզաբանեց Հարությունյանը՝ հավելելով, որ այդ դեպքում Հայաստանի համար ծայրահեղ անցանկալի իրավիճակ կստեղծվի։
Նա նշել է, որ Թուրքիան ու Ադրբեջանն անում են ամեն բան, որպեսզի Հայաստանում ՀԱՊԿ գործունեության նկատմամբ անվստահության մթնոլորտ ստեղծվի։
Նախկին նախարարը վստահ է, որ Հայաստանը, Ռուսաստանից բացի, այլ դաշնակիցներ չունի։
