Մի ահելի եւ մի ջահելի պատմություն է, ես չէի ուզենա, որ իրար նմանվեին եւ այսքան կանխատեսելի դառնային: Այս մասին, այսօր՝ հոկտեմբերի 9-ին, ԱԺ-ում ճեպազրույցների ժամանակ նշել է ՀՅԴ խմբակցության քարտուղար Աղվան Վարդանյանը՝ անդրադառնալով անցած քառօրյայի ժամանակ ԱԺ-ում Արտաշես Գեղամյան-Նիկոլ Փաշինյան բախմանը:
Աղվանդ Վարդանյանն այդ միջադեպը կոչեց «չիրադարձություն»՝ ափսոսանք հայտնելով, որ այն մեկ տասնյակ էջեր ու ժամեր զբաղեցրեց լրատվամիջոցներում։
Հարցին, թե ինչպես է մեկնաբանում Արտաշես Գեղամյանի հայտարարությունը, թե եթե երկու տղամարդկանց միջեւ խնդիր է լինում, տղամարդկային ինչ-ինչ սկզբունքներից ելնելով ճիշտ է դրանց չանդրադառնալը, դաշնակցական գործիչը պատասխանեց. «Սա խորհրդարան է, եւ խորհրդարանում նման վարվելաձեւերը ոչ միայն դատապարտելի են, այլեւ՝ ափսոսանք ու ցավ կարող եմ արտահայտել, որ մարդիկ չափից ավելի կանխատեսելի են հաճախ դառնում իրենց վարքագծի ու քայլերի մեջ։ Մի ահելի եւ մի ջահելի պատմություն է, ես չէի ուզենա, որ իրար նմանվեին եւ այսքան կանխատեսելի դառնային»:
