Հոկտեմբերի 7-ին` ժամը 20.45-ին, հիվանդանոցից ոստիկանության Մաշտոցի բաժին հաղորդում է ստացվել, որ «ձախ ազդոսկրի վզիկի կոտրվածք» ախտորոշմամբ իրենց մոտ բուժօգնության է դիմել 1941 թ. ծնված Ժաննա Հ.-ն, որը հիվանդանոցում հայտնել է, որ նշված վնասվածքները ստացել է 15-րդ թաղամասում վայր ընկնելու հետեւանքով:
Ձեռնարկված միջոցառումների արդյունքում հոկտեմբերի 8-ին պարզվել է, որ Ժաննա Հ.-ն նշված վնասվածքը ստացել է հոկտեմբերի 7-ին՝ ժամը 20.00-ին, Գ.Չաուշի արձանի մոտ, «Միցուբիշի ԻՈ» մակնիշ ավտոմեքենայի վարորդի կողմից վրաերթի ենթարկվելու հետեւանքով:
Կատարվում է քննություն:
***
Հոկտեմբերի 7-ին՝ ժամը 23.30-ին, «ԲՄՎ» մակնիշի ավտոմեքենան Տ.Պետրոսյան փողոցի թիվ 30/30 հասցեի մոտ վրաերթի է ենթարկել 22-ամյա Լիլիթ Գ.-ին, որը մարմնական վնասվածքներով տեղափոխվել է հիվանդանոց:
Կատարվում է հետաքննություն:
***
Հոկտեմբերի 7-ին՝ ժամը 14.40-ին, «Ֆոլքսվագեն» մակնիշի ավտոմեքենան Երեւանյան խճուղու թիվ 11 հասցեի մոտ վրաերթի է ենթարկել 9-ամյա Արայիկ Գ.-ին, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Հոկտեմբերի 7-ին ժամը 16.30-ին, «ՎԱԶ-2114» ավտոմեքենայի վարորդը Վարդանանց փողոցի թիվ 35 շենքի մոտ վրաերթի է ենթարկել 83-ամյա Էմմա Ա.-ին եւ իր ավտոմեքենայով տեղափոխել նրան հիվանդանոց:
Կատարվում է քննություն:
***
Հոկտեմբերի 8-ին՝ ժամը 14.00-ին, «Մերսեդես» մակնիշի ավտոմեքենան Խանջյան փողոցի թիվ 18/2 հասցեի մոտ վրաերթի է ենթարկել 59-ամյա Գագիկ Ս.-ին, ինչի հետեւանքով վերջինս մարմնական վնասվածքներով տեղափոխվել է հիվանդանոց:
Կատարվում է քննություն:
***
Հոկտեմբերի 8-ին՝ ժամը 21.00-ին, «ԳԱԶ 32213» մակնիշի ավտոմեքենան Երեւան-Սեւան խճուղու թիվ 1 հասցեի մոտ վրաերթի է ենթարկել 40-ամյա Սոնա Խ.-ին. որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Հոկտեմբերի 8-ին՝ ժամը 18.00-ի սահմաններում, Երեւան-Իջեւան ճանապարհի 61-րդ կմ-ին «Մերսեդես C-180» մակնիշի ավտոմեքենայի վարորդը վրաերթի է ենթարկել 1971 թ. ծնված Հրանտ Մ.-ին եւ իր մեքենայով տեղափոխվել նրան հիվանդանոց:
Նախապատրաստվում են նյութեր:
