Թուրքիայի եւ Արեւմուտքի միջեւ հարաբերությունները կշարունակեն վատթարանալ։ Այս մասին հոկտեմբերի 10-ին՝ լրագրողների հետ հանդիպման ժամանակ, ասել է «Մոդուս Վիվենդի» վերլուծական կենտրոնի ղեկավար Արա Պապյանը։
Նրա խոսքով՝ Թուրքիան փորձում է հետաքրքրել Արեւմուտքին՝ Մոսկվայի հետ մերձեցում ցուցադրելով։ «Դա նրա հին խաղն է։ Այսպես ասած՝ ես հիմա կսկսեմ մերձենալ Ռուսաստանի հետ, իսկ դուք փորձեք ինձ հետաքրքրել, որպեսզի ես վերադառնամ։ Ես չգիտեմ, թե ինչ կլինի ապագայում, բայց դեռեւս ոչինչ դուրս չի գալիս»,– նշեց Պապյանը՝ հավելելով, որ անգամ Ռուսաստանից Ս-400 ՀՕՊ համակարգեր գնելում դեպքում Մոսկվան իրեն զգույշ է պահում Անկարայի նկատմամբ։
Փորձագետը նշել է, որ հայկական կողմը կարող է օգտվել իր համար բարենպաստ պահից եւ իր շահերն առաջ մղի։
