Մեքսիկայում ձերբակալվել է 62-ամյա ամերիկացի մի տղամարդ, ով 19 տարի շարունակ սեռական բռնության է ենթարկել իր խորթ աղջկան՝ Ռոզալին Մակգինիսին, հաղորդում է New York Post-ը։
Հետաքննության համաձայն՝ Հենրի Միշել Պիետը Ամերիկայի Օկլահոմայի նահանգից, առաջին անգամ բռնացել էր աղջկա վրա, երբ վերջինս 11 տարեկան էր։ Ընդ որում, ամերիկացու մյուս երեխաները վստահեցնում են, որ իրենց հայրը աղջկա նկատմամբ սեռական ոտնձգությունները սկսել է ավելի վաղ։
Այս ամբողջ ընթացքում տղամարդը Ռոզալինին փակի տակ էր պահում, բռնաբարում եւ ծեծում այն աստիճան, որ նա ուշագնաց էր լինում։
1997 թվականին Պիետի հարազատ որդին վերցրել էր Ռոզալինին դպրոցից, որից հետո տղամարդը աղջկան տարել էր մեքսիկական մի գյուղ ու պահել նրան այնտեղ։ Այդ ժամանակվանից ի վեր զոհը բռնավորից ունեցել է 9 երեխա։ Այս տարվա սեպտեմբերին նրանցից 8-ի հետ կինը կարողացել է հասնել ամերիկյան դեսպանատուն եւ օգնություն խնդրել։
Պիետի ձերբակալումից հետո նրան արտահանձնել են ԱՄՆ։ Երեքշաբթի՝ հոկտեմբերի 10-ին, նա պետք է ներկայանա դատարանի առաջ Օկլահոմայում։
Այս պահին կնոջ եւ երեխաների հետ, որոնք 2-17 տարեկան են, աշխատում են հոգեբանները։