Հայաստանում տասնյակ տարիներ ի վեր՝ գրեթե չի եղել ազատ տնտեսական մրցակցություն։ Հոկտեմբերի 10-ին՝ լրագրողների հետ հանդիպման ժամանակ, նման կարծիք է հայտնել ՀՀ խորհրդարանի «Ծառուկյան» դաշինքի պատգամավոր Վարդան Բոստանջյանը՝ պատասխանելով գնաճի վերաբերյալ հարցերին։
Նրա խոսքով՝ դա չափազանց կարեւոր գործոն է։ Ազատ տնտեսական մրցակցության բացակայության պատճառով, բնականաբար, առաջանում են մենաշնորհների ստեծման ծրագրեր, իսկ օլիգոպոլիաներն առաջնային պլան են մղվում։ «Դա որոշ բացասական հետեւանքների է հանգեցնում»,-մեկնաբանել է Բոստանջյանը՝ հավելելով, որ կարեւոր են այն պարտականությունները, որոնք թերի են իրականացվում պետության նկատմամբ, ինչպես նաեւ միջին բիզնեսի նկատմամբ սահմանափակումները կամ դրանց ամբողջական վերացումը։ Պատգամավորը բացասական հետեւանքների թվին դասեց նաեւ երկրից արտագաղթի ծավալների աճը։