Եվրասիական տնտեսական միության բոլոր հինգ երկրները ողջունում են Մոլդովայի հետ ավելի սերտ համագործակցության հաստատումը, իսկ երկկողմ ռուս-մոլդովական հարաբերությունների հեռանկարները կախված են Քիշնեւի դիրքորոշումից: Այս մասին հայտարարել է Ռուսաստանի նախագահ Վլադիմիր Պուտինը Եվրախորհրդի եւ ԱՊՀ-ի գագաթնաժողովի արդյունքներով, հաղորդում է ՏԱՍՍ-ը:
Ռուսաստանի ղեկավարը նշել է, որ ԵՏՄ միջազգային համագործակցության ոլորտում առաջնահերթությունը կտրվի ԱՊՀ այլ երկրների հետ համագործակցության խորացմանը: Այս կապակցությամբ Պուտինը ուշադրություն է հրավիրել այն փաստի վրա, որ Մոլդովայի նախագահ Իգոր Դոդոնը լայն ձեւաչափով «հնգյակի» ղեկավարների նիստում մասնակցեց հյուրի կարգավիճակում:
«Ընդգծեմ, որ Միության բոլոր երկրները աջակցում են նրա ձգտմանը՝ ավելի սերտ համագործակցություն հասնել ԵՏՄ եւ Մոլդովայի միջեւ», - ասել է Պուտինը՝ հիշեցնելով, որ Եվրասիական տնտեսական հանձնաժողովը նախկինում հանձնարարել էր դիտորդի կարգավիճակ ունեցող պետությունների միավորման դեպքում դրույթներ մշակել:
«Մոլդովայի նախագահը հավաստիացնում է, որ երկրի քաղաքացիների ճնշող մեծամասնությունը չափազանց դրական է գնահատում ԵՏՄ երկրների հետ հարաբերությունները ընդլայնելու իր մտադրությունը: Սա հասկանալի է, քանի որ մոլդովական ապրանքի ծագման հիմնական շուկան ԵՏՄ երկրներն են, Ռուսաստանն է», - հայտարարել է ՌԴ նախագահը: