Շենքերի սեյսմակայունության բարձրացումը շատ կարեւոր է Հայաստանում բնական աղետներին դիմակայելու համար։ Այս մասին հոկտեմբերի 13-ին՝ «Ռիսկերի կառավարման ազգային հնարավորությունների զարգացում» խորհրդարանական լսումների ժամանակ, ասել է ԱԻ նախարար Դավիթ Տոնոյանը։
Նրա խոսքով՝ ԱԻՆ–ը ձեռնարկում է բոլոր հնարավոր ջանքերը նոր իրավական ակտեր ընդունելու, նոր սարքավորումներ եւ տեխնիկա ձեռք բերելու, արտակարգ օգնության եւ բնածին եւ տեխնածին աղետների դեպքում մարդկանց տարհանման համար։
Տոնոյանը նշեց, որ շատ կարեւոր է նաեւ միջսահմանային համագործակցության զարգացումը։ Հայաստանն այստեղ նույնպես լուրջ ջանքեր է գործադրում՝ լինելով ՄԱԿ հովանու ներքո գործող որոնողա–փրկարարական աշխատանքների միջազգային խորհրդակցական խմբի անդամ (INSARAG)։