Բրյուսելում գտնվող Եվրամիության շենքերից մեկում 15 մարդ է թունավորվել անծանոթ քիմիական նյութից, հայտնում է AFP-ն՝ հղում  անելով բելգիացի հրշեջներին։  Շենքում գտնվող 5 մարդ հոսպիտալացվել է։

Դեպքը տեղի է ունեցել ԵՄ Europa շենքում, որտեղ սովորաբար տեղի են ունենում ԵՄ անդամ երկրների նախարարների հանդիպումները։ Շենքից անհապաղ տարահանել են մարդկանց, որոնք տեղակայվել են հարևան շինություններում։

Հրշեջների ներկայացուցիչ Պիեռ Մեյի տվյալներով, քիմիական անհայտ նյութերի խառնուրդը եղել է խոհանոցների հարկում։ Դրանցից մի քանիսը թունավորում են առաջացրել՝ աչքերում այրոցի  և փսխումի նախանշաններով։