Ոստիկանության կազմակերպված հանցավորության դեմ պայքարի գլխավոր վարչության կոռուպցիայի եւ տնտեսական գործունեության դեմ ուղղված հանցագործությունների հակազդման վարչության ծառայողները հոկտեմբերի 12-ին բերման են ենթարկել Գագիկ Խաչատրյանին:
Ոստիկանությունից NEWS.am-ին հայտնում են, որ կասկածանքը՝ առանց համապատասխան լիցենզիայի արտարժույթի ապօրինի առուվաճառքով զբաղվելն էր: Նախնական քննությամբ պարզվել է, որ նա մոտ 4 ամիս առանց համապատասխան լիցենզիայի իրականացրել է շուրջ 240 հազար ԱՄՆ դոլարի արտարժույթի ապօրինի փոխանակման գործարքներ: Հանգամանքները քննությամբ պարզվում են: