Սլովակիայում յոթ մարդ է զոհվել միկրոավտոբուսի ու բեռնատարի մասնակցությամբ վթարի հետևանքով։

ՌԻԱ Նովոստիի փոխանցմամբ՝ վթարը տեղի է ունեցել երկրի արևմուտքում Պրեւիձա շրջանում։ Շտապ օգնության ծառայության օպերատիվ կենտրոնի ներկայացուցիչ Յոզեֆ Մինարի խոսքով՝ առայժմ անհայտ պատճառներով բեռնատարը բախվել է միկրոավտոբուսի, որում 9 մարդ կար։ Միկրոավտոբուսը վթարի հետևանքով շրջվել է, յոթ մարդ տեղում է մահացել, ևս երկուսը ծանր վիրավորում է ստացել ու տեղափոխվել մոտակա հիվանդանոց, նրանցից մեկը շատ ծանր վիճակում է։

Ավտոմոբիլային երթևեկությունը վթարի վայրում ժամանակավորապես դադարեցվել է, ոստիկանությունը սկսել է հետաքննել պատահարը։