Վրացի գորրծարար եւ պատգամավոր Քոբա Նակոպիան՝ Վրաստանի նախկին նախագահ Միխայիլ Սաակաշվիլիի խորհրդականը, հայտարարել է, որ իրեն թույլ չեն տվել մուտք գործել Ուկրաինա։

«Բորիսպոլ ժամանելուց հետո ուկրաինացի սահմանապահներն ինձ փաստաթուղթ հանձնեցին Ուկրաինայի տարածք մուտքի արգելքի մասին։ Պատճառները չբացատրեցին»,- ասել է Նակոպիան «Ուկրաինսկայա պրավդա»-ին։

Պատգամավորի խոսքով՝ մուտքի արգելքը սահմանել էր լիազոր մարմինը։ Հիմա նա պատրաստվում է բողոքարկել որոշումը։