Ամեն տարի հոկտեմբերի 16-ին բազմաթիվ երկրներում նշվում է Ղեկավարի օրը կամ Ղեկավարի ազգային օրը (National Boss's Day): 1958 թվականին State Farm Insurance Company-ում քարտուղարուհի աշխատող Պատրիցիա Հարոսկին առաջարկել է նոր տոն հիմնել՝ նվիրված սիրելի ղեկավարին: 1962 թվականին այդ տոնը պաշտոնապես հաստատվեց ամերիկյան Իլինոյսի նահանգապետ Օտտո Քարների կողմից:
Այդ օրը պետք է հիշել, որ ղեկավար լինելը մասնագիտություն է, առանց հանգստի աշխատանք, յուրաքանչյուր քայլի, խոսքի, իր ենթակայությամբ աշխատող մարդկանց բարեկեցության համար պատասխանատվություն: Տոնը նաեւ առիթ է՝ ղեկավարին նվեր մատուցելու, հարգանք արտահայտելու համար: