Հայաստանում կհաստատեն հանրության նախաձեռնությամբ հանրաքվե կազմակերպելու կարգը: «Հանրաքվեի մասին» օրինագիծը՝ նոր խմբագրմամբ եւ սահմանադրական օրենքի իրավունքի հիման վրա հավանության արժանացավ կառավարության հոկտեմբերի 19-ի նիստում:
Սահմանադրական օրենքների ինստիտուտը, որպես պետական կառուցվածքի համար համակարգաստեղծ, մտցվել է սահմանադրական բարեփոխումներով, որ ընդունվեցին 2015 թվական դեկտեմբերին կայացած հանրաքվեում:
Այս բարեփոխումները հասարակական պահանջով հանրաքվե անցկացնելու հնարավորություն սահմանեցին: Օրենքը հաստատում է այն կազմակերպելու կարգը եւ հարցերի շրջանակը, որոնք հանրաքվեի դրվելու ենթակա չեն՝ պաշտպանություն եւ պետական անվտանգություն, համաներում, պետական բյուջե, հարկեր, երկրի վարչատարածքային բաժանում, կառավարության աշխատակազմ, սահմանադրական օրենքներ:
Հանրաքվե կարող է նախաձեռնել 50 մարդուց կազմված խումբը, որը պետք է գրանցվի Կենտրոնական ընտրական հանձնաժողովում եւ սկսի 200 հազար ստորագրությունների հավաքումը: Դրանից հետո ԿԸՀ-ն պետք է ստուգի դրանց կեղծված չլինելը:
