Երեւանի եւ Բրյուսելի միջեւ նոր համաձայնագիրը կստորագրվի: Հոկտեմբերի 19-ին լրագրողների հետ հանդիպման ժամանակ այսպիսի կարծիք հայտնեց քաղտեխնոլոգ Կարեն Քոչարյանը:
Նրա կարծիքով՝ ամբողջ խնդիրը միայն այս հարցի տեխնիկական ասպեկտների մեջ է:
«Եթե 2013 թվականին բոլորը միաբերան հայտարարում էին, որ Հայաստանի եւ ԵՄ-ի միջեւ Ասոցացման համաձայնագիրը կստորագրվի, իսկ մի գեղեցիկ օրը բոլորն արթնացան ԵՏՄ-ում, այդ ժամանակ որոշակի խնդիր կար: Բոլորը հետեւություն են կատարել այդ սխալից՝ ե՛ւ Հայաստանում, ե՛ւ Ռուսաստանում, ե՛ւ Եվրոպայում»,- պարզաբանեց Քոչարյանը՝ հավելելով, որ եթե այս համաձայնագրի ստորագրման ուշացման հետ կապված խնդիրներ ծագեն, ապա դրանք կբխեն ոչ հայկական կողմից եւ նույնիսկ ոչ էլ ռուսական կողմից:
Միեւնույն ժամանակ նա նշեց, որ առանց Մոսկվայի հետ համաձայնեցնելու Երեւանը ԵՄ-ի հետ համաձայնագիրը չէր ստորագրի:
