Բունդեսվերը վերսկսել է Իրաքի հյուսիսում փեշմարգայի գրոհայինների մարզումները, որոնք ընդհատվել էին քրդերի եւ Բաղդադի կենտրոնական կառավարության դիմակայության պատճառով: Այս մասին հոկտեմբերի 22-ին հայտնել է գործողությունների գերմանական զինվորական հրամանատարությունը, փոխանցում է DW-ն:
Բունդեսվերի ուսուցանող առաքելությունն ընդհատվել էր հոկտեմբերի 13-ին գերմանացի զինծառայողների պաշտպանության ապահովման նպատակով: Բունդեսվերի գլխավոր տեսուչ Ֆոլքեր Վիքերի խոսքով՝ այս որոշումն ընդունվել էր պաշտպանության նախարար Ուրսուլա ֆոն դեր Լյայենի համաձայնությամբ: Առաքելության վերականգնումը կապված է Իրաքի հյուսիսում իրավիճակի կարգավորման հետ: